10 Proven Strategies for Boosting Affiliate Revenue Through SEO

Hari uburyo bugezweho bwo kungukira mu mafaranga y'ikoranabuhanga (Cryptocurrency) ,bukaba ari uburyo bugezweho kandi butanga inyungu ,nta bwoba bwuko ushobora kubuhomberamo ,mu gihe washoye ahizewe.

Mu buryo busanzwe ,abantu benshi bungukira mu mafaranga y'ikoranabuhanga aho bagura kuri make ,hanyuma bagategereza nyuma y'igihe runaka ,igiciro cya rya faranga ry'ikoranabuhanga baguze cyakwiyongera ,bakagurisha. muri make ni ukugura kuri make ,ukagurisha kuri menshi.

Naho uburyo bwa Staking bwo ni ugushyira amafaranga y'ikoranabuhanga mu bubiko bwayo bwayo ,hanyuma ya mafaranga agakoreshwa muri Blockchain yayo mafaranga ,mu kugaragaza ko wakoze  hagaragara ibyitwa proof of stake ,ni nk'icyemeza ko habaye ihererekanya ryayo mafaranga y'ikoranabuhanga  aho ryagiye rirema ibyitwa blocks .

Reka tubyoroshye Staking ,ninkuko wafata amafaranga yawe ,ugafunguza konti muri Banki ,ya mafaranga ukayashyiraho mu gihe cy'umwaka ,hanyuma bank ,ikayakoresha ,muri cya gihe cy'umwaka ,bakaguha inyungu kurin ya mafaranga wabahaye.

Na Staking y'amafaranga y'ikoranabuhanga nuko nguko ikora ,ushora amafaranga y'ikoranabuhanga ufite ,cynae cyane nka Ethereum kuko Bitcoin gukora staking Blockchain yayo ntibikora ,hanyuma wamara kuyashora ukazajya uhabwa inyungu ,bitewe n'ikigo wakoreyemo Staking ,inyungu bakwishyura zigenda zitandukana ,hari abakwishyura buri kwezi ,buri mezi atandatu cyangwa buri mwaka.

Burya amafaranga y'ikoranabuhanga afite ikoranabuhanga rya blockchain ,aho aremwa hakoreshejwe ubwo buryo ,kandi rikaba ari ifaranga bavuga ko riri Decentralized ,kubera ko buri wese ashobora kurirema no kurikoresha ,bidasabye banki cyangwa leta ngo irigireho ubugenzuzi ,nkuko ku yandi mafaranga bigenda.

Ifaranga ry;ikoranabuhanga nka Ethereum ,Cardano na Polkadot ,iyo warikoreye staking ,ushobora kubona inyungu iri hagati ya 15 na 20% byayo washoye .Staking ni uburyo bwunguka kandi bitagusabye gukora ahubwo ari igishoro cyawe watanze gusa.

Ni gute wakora ubu buryo bwa Staking ku mafaranga yawe y'ikoranabuhanga ?

Uko amafarnga y;ikoranabuhanga agenda akomeza gufasta umwanya mwiza mu bucuruzi no ku isoko ry'amafaranga ,niko  uburyo bwo kuyakorera bugenda bwiyongera ari n'abantu benshi barushaho kuyashoramo imari.

Hari ubwoko bwinshi bwaya mafaranga ,ariko ayemera gukorerwa staking si yose .iyo iryo faranga rikorerwa Staking ,dore uburyo ubigenza.

Dore uko ubigenza 

Ujya ku isoko ry'amafaranga y'ikoranabuhanga nka   Binance  ,CoinBase ndetse nadi menshi ,aya masoko yombi aremewe ndetse arananditse ku buryo bwemewe n'amategeko ndetse ushobora no kuyabona ku isoko ry'imari n'imigabane rya Amerika NASDAQ.

Iyo umaze kugura ifaranga ry'ikoranabuhanga kuri aya masoko ,uhita usaba ko wakoresha porogaramu ya Staking ,ubwo ni ukuvuga ko uba ubahaye uburenganzira bwo gukoresha amafaranga yawe mu gihe runaka wihitiyemo ,nabo bakaguha inyungu ,ibarwa muri cya gihe wahisemo ,nyuma yicyo nibwo uba wemerewe kuba wakoresha ya mafaranga yawe ,aho ushobora kuyabikura ,yiyongereyeho inyungu yayo.

Ikigo cyizewe kurusha ibindi ni  isoko rya Binance ,kugeza ubu kuri Binance ni ahantu hizewe ,hakoreshwa na benshi ,kandi ifite porogaramu ya staking iguha inyungu nyinshi ,n'ibyago byo kuba watakaza amafaranga yawe bikaba biri hafi ya zero.

Kuri Binance kandi baguha ikofi (wallet ) fite umutekano ,ushobora no gukoresha Binace kuri telefone yawe 

Ibyago biri mu buryo bwa Staking bw'amafaranga y'ikoranabuhanga 

Burya nta kintu kitagira ibibi ni byiza ,kimwe na Staking ya crypto nayo ifite ingaruka (risks ) nyinshi zirimo

• Kuba ushobora gutakaza amafaranga washoye ,ukanahomba cyane ,kubera ko amafaranga y'ikoranabuhanga ,ibiciro byayo bigenda bihindagurika cyane ,mu gihe waguriye ku giciro runaka ,hanyuma cya giciro kikaza kugabanuka ,haba hari ibyago byuko ya mafaranga yawe nayo atakaza agaciro bityo n'inyungu uzabona ikaba nke ,rero ukaba ushobora no kutabona amafaranga washoye mu gihe igiciro cyari hejuru.
• Kuba wakwirukira inyungu nyinshi ,ahubwo bikarangira uhombye ,Gushora muri aya mafaranga bisaba kwiga isoko ,hari amafaranga bashobora kukubwira ko nukora staking bazaguha inyungu ingana na 150% byayo washoye ,ukumva ko ariho wunguka cyane ,ariko hari igihe biba ikinyuranyo ,nkiyo iryo faranga ryawe ryatakaje agaciro cyane kuruta inyungu   ingano y'inyungu wahawe ,birangira uhombye igishoro cyawe.
• Ibyago byo kuba wakwibwa amafaranga yawe ,burya ibintu byose bikoresha internet ,biba bishobora kwinjirirwa no kuba byakwibwa amakuru yabyo ,bityo gukoresha ubu buryo no gutunga amafaranga y'ikoranabuhanga bisaba gutekereza ku mutekano wayo.
• Hazamo ubujura n'ubutekamutwe bwinshi ,amafaranga y'ikoranabuhanga niho hantu hambere hazamo ubujura n'uburiganya ,aho usanga hari abantu bakubwira ko ,bakugurisha aya mafaranga y'ikoranabuhanga  ariko bikarangira uhombye utwawe burundu ,bagupfunyikiye amazi.

Umusozo 

Mu gihe cyose wifuza gukora Stake y'amafaranga y'ikoranabuhanga ,ni byiza gushishoza ,ukiga isoko ,ukamenya ikigo /kompanyi cyangwa isoko ugiye gukorera staking ,nib ryemewe kugira ngo batazakurira utwawe .

Kandi si byiza gushyiramo amafaranga wumvaga ukeneye cyane ,ahubwo koresha amafaranga wumva ko niyo wayabura ,nta kintu byaguhungabanyaho mu mibereho yawe ,kinini .

Gushora mu mafaranga y'ikoranabuhanga bisaba gutekereza kabiri kurusha uko washora inoti zawe ,mu bintu bifatika ,kandi ni byiza kwiga gutahura uburiganya cyangwa abandi bantu bashobora kuryihisha inyuma ,bagamije kurya utwawe.